35 Johr in          Vitterbur:                  … well harr dat docht.

As ik 1991 bi jo as Pestor koomen bün, gung dat bloot um dree Johr, so as alltied bi de erste Pestorenstee. Denn hemm Andrea un ik heirad un de Wahlen kweemen. Elk dürss n´halven Stee hemm. So was dat domals in Hannover fastsett. 

Erst kwamm de Interessentenwahl un denn de Wahl för´d heel Gemeend un ji hemm „Ja“ segt – „laat uns dat man mal mitnanner versöken.“ Na teihn Johr gav dat för elk n´dreevördel Stee. Un siet n´poor Johr denn nu n´ganzen Stee för beid. So nu sünt sacht ut de dree Johr 35 Johr worden, wor wi uns leeve Heer un jo  heel dankbor för sünt.

Bi Leben un Gesundheit geiht dat bit Januarmaant 2029 noch wieder un denn givt weer well Neejes.

De Pestoren koomen un gahn – man de Viterburer Gemeend blivt bestahn. Dat steiht in uns leeve Heer sien Hand un wat wi all mitnanner dran doon können, dat laat uns doon, dat dat good word.

23. August geev ik to mien lesde runne off halvrunne Vitterburjubiläum een ut un dor nöög ik jo to. N`Settje blifft uns hopenlik noch mitnanner, mit uns Nabers uns Kark in Südbrookmerland n´gooden Padd to schlichten för de Tied, de kummt.Wi können dien Stöhn d´r bi good bruken.  Wi sehn uns bi´d Kark in´d Tuun!

Jo JH